Fógra | Notice
Fógra |


Tá siopa.ie ag feidhmiú arís agus táimid ag déanamh gach iarracht na horduithe a phróiseáil chomh luath agus is féidir.


D’fhéadfadh sé tarlú, áfach, go mbeadh moill ar d’ordú de dheasca na srianta atá i bhfeidhm faoi láthair. Gabhaimid leithscéal as aon mhíchaoithiúlacht.


Notice |


Siopa.ie is open and we are doing our very best to process orders as quickly as possible.


It is possible, however, that delivery time for your order may be longer than usual as a result of the current restrictions. We apologise for any inconvenience.
Dún
€15.00
Líon:
Anam na Teanga
Anam na Teanga
Curtha in eagar ag Seán Mac Labhraí
ISBN: 9781909367647
Bliain foilsithe: 2013
Clúdach: Bog
Foilsitheoir: Cló Iar-Chonnacht

‘Is í an litríocht anam na teanga,’ a scríobh Seosamh Mac Grianna, agus sa leabhar seo tá dhá cheann déag de na gearrscéalta is anamúla agus is bíogúla dár scríobhadh sa Ghaeilge riamh.

Tá na mór-údair ann - Liam Ó Flaithearta, Pádraic Ó Conaire, Pádraig Mac Piarais - agus údair nach bhfuil an aithne chéanna orthu, b’fhéidir - Peigí Rose, Fionntán de Brún, Annraoi Ó Liatháin.

Meascán den sean agus den nua, den traidisiún agus den nuálaíocht, den tallan, den chruthaitheacht agus den chumas atá sa chnuasach seo a chuirfidh iontas ar dhaoine, a spreagfaidh caint ina measc agus, b’fhéidir, a tharraingeoidh raic eatarthu.

Sa leabhar freisin tá cabhair ar fáil do na léitheoirí siúd nár mhiste leo faobhar a chur ar a scian chriticiúil leis na nótaí cuimsitheacha atá curtha i dtoll a chéile ag an bhfear eagair.

Ar na gearrscéalta atá sa leabhar tá:

An Beo - Liam Ó Flaithearta
Dúil - Liam Ó Flaithearta
An Cumann - Peigí Rose
Ná hInis Brionglóidí na hAoine don tSatharn Choíche - Peigí Rose
Nóra Mharcais Bhig - Pádraic Ó Conaire
Anam an Easpaig - Pádraic Ó Conaire
An Gadaí - Páraig Mac Piarais
Athair - Micheál Ó Conghaile
Codladh an Mháistir - Seosamh Mac Grianna
Mánus Ó Súileachán - Séamus Ó Grianna
Na Déithe Bréige - Fiontán de Brún
An Rud nach mBíonn Agam - Annraoi Ó Liatháin

Seán Mac Labhraí a chuir in eagar.

Earra(í) eile a thaitneodh leat, b'fhéidir