Fógra | Notice
Fógra |


Tá siopa.ie ag feidhmiú arís agus táimid ag déanamh gach iarracht na horduithe a phróiseáil chomh luath agus is féidir.


D’fhéadfadh sé tarlú, áfach, go mbeadh moill ar d’ordú de dheasca na srianta atá i bhfeidhm faoi láthair. Gabhaimid leithscéal as aon mhíchaoithiúlacht.


Notice |


Siopa.ie is open and we are doing our very best to process orders as quickly as possible.


It is possible, however, that delivery time for your order may be longer than usual as a result of the current restrictions. We apologise for any inconvenience.
Dún
€25.00
Líon:
Parliament na bhFíodóirí
Parliament na bhFíodóirí
Eagraithe ag Seán Ó Duinnshléibhe
ISBN: 978-1-906882-72-3
Clúdach: Crua
Foilsitheoir: Cló Iar-Chonnacht

Aoir ar fhíodóirí a linne, go háirithe ar an tsaint agus ar an gclaonadh chun camastaíola a chuirtí ina leith, atá sa Phárliment.

Spreag saothar an Bharraigh scríbhneoir Muimhneach eile, Uileag Ó Céirín ó Chiarraí Thuaidh, chun freagra ar Phárliment na bhFíodóirí a cheapadh. Fíodóir taistil ba ea an Céiríneach agus tá a Fhreagra siúd cóirithe anseo, leis, mar léiriú ar ar cheap duine de lucht na ceirdre de shaothar cáinteach an Bharraigh.

Is é atá sa leabhar seo ná eagrán criticeach de Phárliment na bhFíodóirí, saothar próis a chum Dáibhí de Barra (1757/8-1851), scríobhaí ó Charraig Tuathail, in oirthear Chorcaí.

Is coir Párliment na bhFíodóirí, dá laghad é, a áireamh ar mhórthéacsaí inspéise na hochtú aoise déag.

Is é seo an chéaduair a foilsíódh an saothar seo ina iomláine. I dteannta na dtéacsaí cóirithe, déantar nótaí teanga, nótaí téacsa agus gluaise a sholáthar mar áis do léitheoirí.

Tugtar léargas sa Phárliment ar chuinsí socheacnamaíochta na linne agus ar an gcorraíl a lean iad, más go hindíreach féin ar uairibh é; rud eile de, is mór mar a d’fhág Pairlement Chloinne Tomáis a lorg air. Is minic ráite é gur tearc iad na saothair inspéise phróis in Gaeilge a scríobhadh ó bhlianta deireanacha an ochtú céad déag anuas go dtí lár na haoise dár gcionn.

Earra(í) eile a thaitneodh leat, b'fhéidir