Fógra | Notice
Fógra |


Tá siopa.ie ag feidhmiú arís agus táimid ag déanamh gach iarracht na horduithe a phróiseáil chomh luath agus is féidir.


D’fhéadfadh sé tarlú, áfach, go mbeadh moill ar d’ordú de dheasca na srianta atá i bhfeidhm faoi láthair. Gabhaimid leithscéal as aon mhíchaoithiúlacht.


Notice |


Siopa.ie is open and we are doing our very best to process orders as quickly as possible.


It is possible, however, that delivery time for your order may be longer than usual as a result of the current restrictions. We apologise for any inconvenience.
Dún
Seán Mac Mathúna

Rugadh Seán Mac Mathúna i dTrá Lí, Co. Chiarraí. D’fhreastail sé ar Choláiste Bhréanainn i gCill Airne, agus ar Choláiste na hOllscoile, Corcaigh.

Foilsíodh gearrscéalta as Béarla leis go rialta in The Irish Times agus The Irish Press, agus as Gaeilge san iris Comhar. Thuill sé ionad ar leith dó féin mar ghearrscéalaí fíorchumasach leis an gcnuasach Ding (An Comhlacht Oideachais, 1983). Bhí cáil ar leith ar úire a shamhlaíochta agus go háirithe ar a acmhainn grinn.

I 1992, léirigh Amharclann na Mainistreach dráma leis, The Winter Thief/Gadaí Géar na Geamhoíche - ceithre oíche as Béarla in aghaidh na seachtaine, agus dhá oíche as Gaeilge, leis an bhfoireann chéanna – rud nach ndearnadh riamh cheana i stair na drámaíochta in Éirinn ná in aon tír eile ach oiread.

Sa bhliain 1999, foilsíodh Banana (Cois Life), an dara cnuasach gearrscéalta Gaeilge uaidh, agus bhuaigh an saothar sin Gradam Uí Shúilleabháin/Leabhar Gaeilge na bliana 1999. Léirigh Taibhdhearc na Gaillimhe a dhráma Hula Hul an bhliain chéanna sin. D’fhoilsigh Coiscéim novella leis, Scéal Eitleáin, in 2005. Bhí Ding agus Banana as cló, dá bhrí sin d’fhoilsigh Cois Life rogha scéalta leis faoin teideal Úlla (2005). Cuireadh athchló ó shin air.

Foilsíodh Hula Hul (Leabhar Breac) sa bhliain 2007. Léirítear scoth a shaothair sa chlosleabhar Niall Tóibín ag léamh gearrscéalta le Seán Mac Mathúna (Cois Life, 2009).

 

Tuilleadh ó Seán Mac Mathúna