Nuair a chasann Fionn ar bheirt dheirfiúr, Áine agus Maoluachra, tá siad antógtha leis an Taoiseach óg, láidir, dathúil. Cén fáth mar sin go gcasann siad ina sheanfhear lag é?

Bhí cáil ar Fhionn Mac Cumhaill riamh mar gheall ar a fholt breá órga ach sa scéal seo insítear mar a tháinig dath liath ar a chuid gruaige. Mar is dual do na scéalta Fiannaíochta agus don insint nua bhríomhar atá déanta ag Tadhg Mac Dhonnagáin orthu sa tsraith seo, tá idir eachtraíocht, draíocht agus daonnacht i gceartlár gach aon cheann acu.

Tugann léaráidí Kieron Black an t‑iomlán chun beochta.