Tá domhan úr cruthaithe ag Micheál Ó Conghaile anseo, domhan nach raibh riamh ann agus nach mbeidh ann go deo ach a bhfuil a fhírinne aisteach shochreidte aige ar a shon sin – domhan atá an-chosúil le gleann mistéireach na ndeor seo againne … strus, imní, éigiall, spearbail, greann agus uile. Má tá greann anseo, áfach, is greann áiféiseach é; feadaíl sa dorchacht. Laistiar den áiféis ardaítear ceisteanna móra i dtaobh fhéiniúlacht an duine agus an chúis gurb ann dó sa chéad áit.

Micheál Ó Conghaile ag léamh sleachta ó An Fear a Phléasc, leabhar mhí na Nollag ar ClubLeabhar.com.