Ainneoin go bhfuil athrú mór tar éis teacht ar an saol, tá cúrsaí cumadóireachta níos sláintiúla i gConamara ná mar a bhí riamh cheana. Leis an athrú saoil tá amhábhar de chuile chineál ag na filí, agus is maith uathu an saol mar atá sé ag athrú a láimhseáil ina gcuid cumadóireachta. Is í an fheidhm chéanna atá ag na hamhráin nua seo agus a bhí ag na hamhráin thraidisiúnta riamh anall, trácht ealaíonta ceolmhar a dhéanamh ar chúrsaí agus ar mhothúcháin an tsaoil. Cuntas comair é seo.