Cnuasach ionadaíoch atá sa leabhar seo as an mórbhailiúchán béaloidis a rinne bailitheoirí Choimisiún Béaloideasa Éireann sna daichidí sna Cruacha i nGaeltacht Láir Thír Chonaill. Tá an-léiriú anseo ar réimse an ábhair a bailíodh: tá scéalta gaisce, draíochta, cráifeacha agus grinn ann chomh maith le seanchas, amhráin, rainn agus paidreacha. Sampla ríspéisiúil atá ann den Ghaeilge gan truailliú a bhí sa dúiche seo.