An bunchnuasach filíochta is téagartha agus is ilghnéithí ag an údar le tamall. Dhá chnuasach ar shlí é in aon cheann amháin, scátháin a chéile mar a thuigfí ó phalandróm an teidil. Dánta clasaiceacha máistriúla cuid díobh, agus saothair eile a shíneann a ngéaga go raidhsiúil agus go fairsing i mbun súgartha. Tá dlúthdhiosca suaithinseach ag gabháil leis ar a bhfuil ceol le roinnt de na dánta. I bpáirt leis an amhránaí Iarla Ó Lionáird a rinneadh an taifeadadh. Is féidir féachaint ar fhíseán ina gcuireann Liam Ó Muirthile síos ar Sanas ach brú anseo.