“Tá sé ar bhuanna móra an leabhair seo go gcuireann muid aithne mhaith ar an scéalaí ar dhóigh nach dtarlaíonn i leabhar ar bith béaloidis atá ar m’eolas.” – Lá

Foilseachán ar leith atá i Stairsheanchas Mhicil Chonraí. Cuntas saoil ina urlabhra féin ó dhuine de ghlúin bhunaithe Ghaeltacht Ráth Chairn i gCo. na Mí is bunús leis an leabhar seo. In éindí leis an tráchtaireacht chumasach ar an ábhar dírbheathaisnéise, sníomhtar tuairisc dhaonna ghéarchúiseach ar ghnéithe den stair shóisialta a bhaineann le Conamara agus Ráth Chairn. Tugann an tráchtaireacht aghaidh chomh maith ar an saol oibre a chaith sé, ar a thréimhse san Arm le linn an Dara Cogadh Domhanda. Eagarthóireacht thuisceanach a cuireadh i bhfeidhm ar an mbunchuntas béil ar mhaithe le canúint an reacaire a thabhairt chun solais sa téacs.