Is ó Mhicheál Breathnach, nó Michael Phatch, as Gleann Mhac Muirinn i gConamara, a bailíodh na scéalta seo. Seacht gcinn déag de scéalta atá sa leabhar, scéalta iontais iad seo atá pulctha lán le ríthe, banríonacha, prionsaí, banphrionsaí, dílleachtaí, ainmhithe a bhfuil bua na cainte acu, laochra agus lucht gaisce. Tá dhá dhlúthdhiosca ag dul leis an leabhar a bhfuil na scéalta ‘Loinnir Mac Leabhair’ agus ‘Gruagach na gCleas’ le cloisteáil orthu, á n-aithris ag Michael Phatch.