Fógra | Notice
Fógra |


Tá siopa.ie ag feidhmiú arís agus táimid ag déanamh gach iarracht na horduithe a phróiseáil chomh luath agus is féidir.


D’fhéadfadh sé tarlú, áfach, go mbeadh moill ar d’ordú de dheasca na srianta atá i bhfeidhm faoi láthair. Gabhaimid leithscéal as aon mhíchaoithiúlacht.


Notice |


Siopa.ie is open and we are doing our very best to process orders as quickly as possible.


It is possible, however, that delivery time for your order may be longer than usual as a result of the current restrictions. We apologise for any inconvenience.
Dún
€19.05
Líon:
Leabhar na hAthghabhála
Leabhar na hAthghabhála
ISBN: 9781780372990
Bliain foilsithe: 2016
Clúdach: Bog
Foilsitheoir: Cló Iar-Chonnacht

Is é seo an chéad duanaire cuimsitheach de nua-fhilíocht na Gaeilge ina bhfuil aistriúcháin Bhéarla foilsithe ann freisin. Leanann sé ar aghaidh ó bhailiúchán ceannródaíoch Sheán Uí Thuama agus Thomas Kinsella ‘An Duanaire 1600-1900 / Poems of the Dispossessed’ (1981) agus cuireann go leor dánta sa mbreis ar an gcnuasach sin ar fáil agus saothar 26 file ón chéad seo caite curtha san áireamh ann.

Cuireann an leabhar seo cuid den fhilíocht is fearr a scríobhadh i nGaeilge ó 1900 i láthair. Léiríonn sé saibhreas is éagsúlacht nua-fhilíocht na Gaeilge, filíocht a fhágtar ar lár go ró-mhinic agus cnuasaigh d’fhilíocht na hÉireann á gcur i gcló.

San áireamh sa leabhar seo atá foilsithe ag Bloodaxe Books i gcomhar le Cló Iar-Chonnacht, tá dánta le Pádraig Mac Piarais agus Liam S. Gogan, dánta le Máirtín Ó Direáin, Seán Ó Ríordáin agus Máire Mhac an tSaoi. Gheofar dánta le Michael Davitt, Liam Ó Muirthile, Nuala Ní Dhomhnaill, Cathal Ó Searcaigh agus Biddy Jenkinson ann, chomh maith le Colm Breathnach, Gearóid Mac Lochlainn, Micheál Ó Cuaig agus Áine Ní Ghlinn.

Tá na haistriúcháin déanta ag meitheal aistritheoirí, ina measc; Paul Muldoon, Eiléan Ní Chuilleanáin agus Michael Hartnett.

Earra(í) eile a thaitneodh leat, b'fhéidir