Bailiúchán d’amhráin Chiaráin Uí Fhátharta atá anseo, 31 amhrán san iomlán chomh maith le hagallamh beirte amháin. Tá na hamhráin seo beo i mbéal an phobail le fada agus iad le cloisteáil go minic ar an raidió, á gcasadh ag ceoltóirí éagsúla: John Beag Ó Flatharta,Beairtle Ó Domhnaill, Cillín, Duirling agus Ann Marie Nic Dhonncha, ach is é seo an chéad uair a bhfuil fáil ar leagan an scríbhneora de na hamhráin uilig in aon chnuasach amháin.