Ainmnithe do Dhuais Litríochta The Irish Times 1999. Cnuasach gleoite de dheich scéal ghairide atá in Bróg Khruschev a léiríonn grinneas agus géarchúis agus greann buile Rosenstock. I bhfocail fir dhána agus ealaíontóra ildánaigh eile, Alan Titley:

‘Tá scéalta anseo gur gearrscéalta traidisiúnta iad nach mór, ach ní hea ina dhiaidh sin. Scéalta eile ar píosaí filíochta iad le ceart, ní nach ionadh. Scéalta a bhfuil a mbuille san eireaball, agus scéalta arb í an chaint a mbuaic . . . Cnuasach uathúil pléisiúrtha nach gann ar ghaois.’