Leabhar cuimsitheach praiticiúil ina gclúdaítear a bhfuil ag teastáil le Leibhéal 5 FETAC a bhaint amach sa Chumarsáid. Pléitear go mion le gach gné den chumarsáid – ó bhunscileanna na léitheoireachta, na héisteachta, na bpictiúr agus an scríbhneoireachta, go scileanna comhaimseartha na meán cumarsáide agus na teicneolaíochta eolais. Is as Gaeltacht Chorca Dhuibhne í Beirní Ní Chuinn. Tá sí ag plé leis an gcumarsáid ó bhí 1994 ann, tráth a ndearna sí Ard-Diplóma sa Chumarsáid Fheidhmeach in Ollscoil na hÉireann, Gaillimh. Tá sí i mbun iriseoireachta le RTÉ Raidió na Gaeltachta ó shin i leith.