Nuair a bhí an long Fhrancach ag seoladh as Cuan Mó agus Eoghan óg Ó Maille ag dul i seirbhís Rí na Fraince sa Bhriogáid Éireannach, is beag coinne a bhí aige leis na heachtraí a bhí i ndán do sa tír sin. Ach ón uair a casadh an Chevalier Traolach Ó Briain agus a dheirfiúr dhiamhrach, Henriette uaibhreach álainn air, is iomaí sin cor a bhain do. Fuair Rí Séamas bás sa Fhrainc i dtrátha an ama sin ( tús an 18ú céad), ach bhí dóchas fós ag Éireannaigh as réim Stíobhartach agus súil acu go dtiocfadh Séamas III i gcoróin.

Tá léargas maith ar an aimsir shuaite úd tugtha sa scéal bríomhar soléite seo atá lán d’eachtraí a thaitneoidh le buachaillí agus le cailíní araon.