B’as Rann na Feirste do Sheosamh Mac Grianna, duine de mhórscríbhneoirí na hÉireann agus sárscríbhneoir Gaeilge chúige Uladh. Is brónach agus is tragóideach é scéal a bheatha. B’ionann na tréithe sin a chuir lena chumas mar scríbhneoir – meon fiosrach neamhspleách agus drogall géilleadh don chomhghnás – agus na tréithe sin a chinntigh go mairfeadh sé i gcónaí ar imeall na sochaí.

Chuir a bhean chéile agus a mhac lámh ina mbás féin agus chaith Mac Grianna féin beagáinín le cois tríocha bliain faoi chúram dochtúirí in ionad síciatrach in Otharlann Naomh Conall i Leitir Ceanainn. I Seosamh Mac Grianna: Míreanna Saoil faightear an-léargas ar a shaol, ó laethanta a óige i Rann na Feirste go dtí na blianta deireanacha i Leitir Ceanainn, chomh maith le sleachta as nuachtáin, sleachta ó dhialanna Mhic Grianna agus léirmheasanna ar a shaothair – ábhar a chuirfidh ar chumas an léitheora aithne éigin a chur ar dhuine de mhórlaochra litríochta na hÉireann, ríéigeas na nGael.