Cnuasach aistí ar ghnéithe éagsúla d’oidhreacht na Gaeilge bailithe le chéile i gcuimhne ar Mháirtín Ó Briain, iar-léachtóir i Roinn na Gaeilge in Ollscoil na hÉireann, Gaillimh.

Bhí Máirtín Ó Briain ina léachtóir le Nua-Ghaeilge in Ollscoil na hÉireann, Gaillimh, ó 1979 go dtí gur bhásaigh sé sa bhliain 2004. Mar chomhartha measa air féin agus mar aitheantas ar an gcomaoin a chuirsé ar shaíocht agus ar léann na Gaeilge, bheartaigh Roinn na Gaeilge a gcomhdháil bhliantúil a thiomnú do Mháirtín sa bhliain 2005.

Tugadh cuireadh do chomhghleacaithe agus d’iarscoláirí dá chuid páipéir a chur i láthair ag an gcomhdháil sin. Is cúis mhór áthais don Roinn iad a fhoilsiú anois mar chloch ar charn Mháirtín. Tá sé aiste is fiche le fáil sa chnuasach seo a chuimsíonn gnéithe éagsúla d’oidhreacht na Gaeilge, go háirithe sna réimsí sin ab ansa le Máirtín.