Rogha de na gearrscéalta is fearr i nGaeilge a foilsíodh le tríocha bliain anuas atá sa chnuasach seo. Cúig ghearrscéal is fiche ar fad atá sa chnuasach a thabharfaidh blaiseadh don léitheoir den saibhreas atá le fáil sa ghearrscéal comhaimseartha Gaeilge agus a thugann ardán do chuid de na gearrscéalaithe is fearr atá ag saothrú sa ghort sin. Is é cuspóir an leabhair cur amach ar an ngearrscéal comhaimseartha Gaeilge a thabhairt do léitheoirí agus iad a spreagadh chun filleadh ar na bunchnuasaigh.