Foireann: seisear buachaillí, beirt chailíní agus slua. Dráma é seo d’ardranganna bunscoile. Coimhlint idir maithe móra an tsaoil seo agus draíocht na sióg is ábhar don dráma seo. Tá iníon an rí imithe agus ceaptar gur i bpálás Rí na Sí atá sí. Is léir, áfach, ón tslí ina gcabhraíonn cuid den lucht sí le muintir an tsaoil seo go mbíonn imreas agus coimhlint ar bun i measc na sióg díreach mar a bhíonn inár measc féin.