Bhí Hiúdaí Beag ag tarraingt ar naoi mbliana déag d’aois ach lá oibre ní dhearna sé riamh ina shaol. D’fhan sé sa bhaile lá i ndiaidh lae go dtí gur tugadh bata agus bóthar do. Tosaíonn an scéal seo agus Hiúdaí Beag ar tí aghaidh a thabhairt ar an domhan mórthimpeall air, a bhfuil an greann agus an ghruaim i ndán do. Casann sé ar dhaoine aisteacha in áiteanna iontacha ach bíonn an ghrian lena dhroim i gcónaí… Go dtí go gcastar rí na gcat air!